Newsbook

Free - On Google Play

View
Impjiegi minn jobsinmalta.com  
AĦNA MHUX SE NISKTU   |  Il-President tilqa' lis-Soċjetà Ċivili; Jitolbu r-riżenja mmedjata tal-Kummissarju u l-AĠ   |  "Mhux eskluż li l-assassinju kien ikkummissjonat minn politiċi" - Oħt DCG   |  Ritratti: Quddiem id-Depot isejħu għar-riżenja tal-Kummissarju tal-Pulizija

Il-Gvern mistenni jniedi politika nazzjonali dwar il-mard rari

Gabriel  Schembri  -  27/02/14 02:29 PM

Aktar tard din is-sena, il-Gvern se jniedi l-politika nazzjonali dwar il-mard rari. L-għan wara din it-tnedija hu biex jiġi offrut kull trattament lill-pazjenti u lill-familjari.

F’konferenza tal-aħbarijiet, li għaliha kien hemm preżenti il-Ministru Godfrey Farrugia flimkien ma’ Michelle Muscat, bħala l-patruna tal-Organizzazzjoni Ewropea għall-Mard Rari,  il-konsultazzjoni mal-għaqdiet non-governattivi se ssir matul is-sajf li ġej.

Dr Farrugia qal li f’Malta, hawn xejn inqas minn 25,000 persuna li tbati minn mard rari. 22% minn dawn jinkludu pazjenti tal-kanċer.

Huwa stmat li fid-dinja hemm 8,000 tip ta’ marda rari, 186 huma tipi rari ta’ kanċer.

L-Alternattiva Demokratika esprimiet is-sodisfazzjon tagħha għal fatt li l-Gvern niżżel l-Myalgic Emcephalomyelitis u l- Fibromyalgia mal-lista tal-mard kroniku f’pajjiżna.