Newsbook

Free - On Google Play

View
Impjiegi minn jobsinmalta.com  
AĦNA MHUX SE NISKTU   |  Il-President tilqa' lis-Soċjetà Ċivili; Jitolbu r-riżenja mmedjata tal-Kummissarju u l-AĠ   |  "Mhux eskluż li l-assassinju kien ikkummissjonat minn politiċi" - Oħt DCG   |  Ritratti: Quddiem id-Depot isejħu għar-riżenja tal-Kummissarju tal-Pulizija

Għandu jkun possibbli tirtira onorifiċenzi f'każ ta' reputazzjoni dubbjuża

Mill-Parlament    -  04/11/15 07:51 PM

L-Oppożizzjoni sejħet għal emendi fil-liġi biex ikun possibbli li jiġu rtirati onorifiċenzi mogħtija fil-passat lil persuni ta’ reputazzjoni dubbjuża.

Kien id-Deputat Nazzjonalista Beppe Fenech Adami li ressaq dan l-appell f’intervent waqt id-diskussjoni  dwar l-Abbozz ta’ Liġi li jemenda l-Att dwar Ġieħ ir-Repubblika.

L-Abbozz ta’ Liġi quddiem il-Parlament se jdaħħal emendi biex membri tal-Protezzjoni Ċivili jkunu jistgħu jingħataw midalja għal servizz twil u effiċjenti l-istess bħall-membri ta’ korpi dixxiplinati oħra.

Huwa semma numru ta’ persuni li ngħataw ġieħ u li huwa ta’ għajb li jidhru fuq ir-reġistru ta’ onorifiċenzi Maltin fosthom l-eks-Dittatur tal-Korea ta’ Fuq Kim il-Sung, l-eks-Mexxej tal-Libja Muammar Gaddafi, u l-eks-President tat-Tunesija Ben Ali.

Il-Ministru għall-Intern Carmelo Abela qal li proposta bħal din tista’ tiġi diskussa fil-futur.