Newsbook

Free - On Google Play

View
Impjiegi minn jobsinmalta.com  

Pitturi ta' Dario Fo għall-Biennale tal-Imdina

Marion  Zammit  -  14/09/15 10:46 AM

Kollezzjoni rara ta’ pitturi tar-rebbieħ tal-Premju Nobel Dario Fo, se jiġu murija waqt l-ewwel edizzjoni mill-ġdid tall-Biennale tal-Imdina.

Il-Biennale ta’ arti kontemporanja, organizzat mill-Katidral tal-Imdina, se jerġa’ jibda jsir, wara waqfa ta’ għadd ta’ snin. It-tema, din is-sena, hi ta’ “Kristjanità, Spiritwalità, u d-Diversità”.

Se jsir bl-għajnuna tal-bank APS u mistenni jippreżenta artisti internazzjonali fil-qasam viżwali u fl-arti performattiva.

Il-Biennale se jibda fit-13 ta’ Novembru u jibqa’ għaddej sas-7 ta’ Jannar, bl-attivitajiet prinċipali jsiru fil-Katidral tal-Imdina u f’postijiet storiċi oħra fil-belt qadima.

Ix-xogħlijiet tal-kittieb, drammaturgu, u kummentatur politiku Dario Fo, li se jkunu għall-wiri f’Malta, huma parti minn kollezzjoni privata tad-direttur artistiku Giuseppe Schembri-Bonaci, li għandu ħbiberija twila s-snin ma’ Fo u ma’ martu, Franca Rame, li mietet sentejn ilu.

Iktar informazzjoni dwar il-Biennale tal-Imdina tinkiseb mis-sit uffiċjali www.mdinabiennale.org