Newsbook

Free - On Google Play

View
Impjiegi minn jobsinmalta.com  
Żdiedu t-talbiet għall-għajnuna psikjatrika waqt l-elezzjoni   |  "Kultura fejn il-kelmiet 'qaddej' u 'messaġġier' ma jinftehmux" - L-Arċisqof   |  ​"L-ommijiet ta' persuni pubbliċi jbatu fil-moħbi"   |  L-Istati Uniti twissi lis-Sirja dwar attakk kimiku ieħor "qed jinħema"

Awdjo: “Il-każ ta' Gaffarena mhu xejn ħdejn tal-Panama"

Alvin  Vassallo  -  04/03/16 06:46 PM

Il-Kap tal-Opożizzjoni Simon Busuttil qal li sa ftit ilu l-poplu kien qed jitkaża bil-każ ta’ Gaffarena, liema każ wasal għar-riżenja ta’ Segretarju Parlamentari. Madankollu l-każ ta’ Gafarena mhu xejn ħdejn tal-Panama.

Dan qalu f’reazzjoni fuq l-istazzjon tal-Partit Nazzjonalista.

Busuttil qal li ma jemminx lill-Prim Ministru meta qal li sar jaf mill-mdija dwar il-każ ta' Panama.

Tenna li Muscat tilef il-kredibbiltà tiegħu fit-tmexxija nadifa.

Qal li la Muscat għadu qed jiddefendihom s’issa, għandu jerfa’ r-responsabbiltà politika għal dak li għamlu huma.

Tenna li n-nies huma xxokkjati u rrabbjati minħabba r-reazzjoni li ta l-Prim Ministru u għax jafu li għall-korruzzjoni qed iħallsu huma.

Spjega li “meta n-nies jieħdu bi €30 diżil, il-Gvern qed jieħu nofshom”.

Busutiil tenna li filwaqt li huma għandhom kont il-Panama, in-nies fil-faqar qed jiżdiedu.

Dwar il-protesta li se ssir nhar il-Ħadd, Busuttil qal li l-protesta hija ġlieda tal-poplu kollu kontra l-politiċi maħmuġin.