Newsbook

Free - On Google Play

View
Impjiegi minn jobsinmalta.com  
Assassinju DCG: L-Arċisqof b'messaġġ qawwi għall-ġurnalisti, għall-politiċi u għall-Maltin   |  L-avukat ta' DCG imħasseb bl-aġir tagħha ftit jiem qabel inqatlet   |  "Kont naf li qed tfittxuni, għalhekk żammejt pistola fuqi" - l-akkużat   |  Seba’ flyovers mingħajr traffic lights fil-junction tal-Marsa   |  

Konrad Mizzi ma jweġibx għala pprova jiftaħ kont f’Dubaj

Charmaine  Attard   -  04/04/16 07:19 PM

Il-Ministru għall-Enerġija Konrad Mizzi rrifjuta li jgħid għaliex ipprova jiftaħ kont bankarju f’Dubaj.

F’kummenti li ta lill-ġurnalisti qabel daħal fil-bini tal-Parlament, il-Ministru insista li dak li ġie żvelat ilbieraħ jikkonferma l-verżjoni tiegħu li m’għandu l-ebda kontijiet bankarji u lanqas fondi.

Dwar il-kont tal-bank f’Dubaj u dwar xogħol ta’ konsulenza li hu dokumentat li għamel, Konrad Mizzi nsista li kien trasparenti, leali u korrett f’dak kollu li qal.

Min-naħa tiegħu, il-Prim Ministru Joseph Muscat ma tax kummenti lill-ġurnalisti u talabhom jisimgħu l-Istqarrija Ministerjali fil-Parlament.

Ilbieraħ ġew żvelati madwar 11-il miljun dokument ta’ kumpaniji sigrieti li juru kif il-kumpanija Mossack Fonseca għenet persuni miljunarji u oħrajn b’rabtiet politiċi f’ħasil ta’ flus u evażjoni ta’ taxxa.

Fosthom hemm il-Ministru Konrad Mizzi, li skont id-dokumenti fetaħ trust fil-Panama f’Ġunju tal-2015, li l-benefiċċjarji huma l-mara u ż-żewġt uliedu.