Newsbook

Free - On Google Play

View
Il-Knisja twieġeb għall-akkużi foloz tal-Orizzont   |  Jaqa' waqt li kien qed jaħdem fuq bejt   |  “L-immigranti għandhom dritt għal ħajja stabbli”   |   "M'aħniex edukati fid-diversità"   |  Tmut it-tarbija li ttajret bil-pram b'kollox f'Melbourne

Iktar sapport lill-Istati Membri fir-ritorn ta' migranti

Lara Michelle Camilleri  -  11/01/17 09:14 PM

L-Aġenzija Ewropea għall-Gwardja tal-Fruntiera u tal-Kosta se tkun qed tagħti s-sapport lill-Istati Membri fir-ritorn ta’ migranti madwar l-Ewropa.

Dan hekk kif din l-Aġenzija nediet Timijiet ta’ Intervent Ewropew għar-Ritorn magħmul minn 690 espert magħżula mill-Istati Membri u mill-pajjiżi assoċjati ma’ Schengen.

Dawn l-esperti se jkunu mħarrġa fix-xogħol tagħhom biex jiġu assigurati standards għoljin fl-attivitajiet kollha mwettqa.

Minkejja li l-Istati Membri se jibqgħu responsabbli għar-ritorn tal-migranti, inkluż għad-deċiżjonijiet fuq min għandu d-dritt għall-ażil jew li jibqa’ fl-UE, l-Aġenzija se jkollha l-għodda biex toffri l-assistenza u s-sapport tagħha lil dawn l-Istati Membri.