Newsbook

Free - On Google Play

View
Impjiegi minn jobsinmalta.com  
Assassinju DCG: L-Arċisqof b'messaġġ qawwi għall-ġurnalisti, għall-politiċi u għall-Maltin   |  L-avukat ta' DCG imħasseb bl-aġir tagħha ftit jiem qabel inqatlet   |  "Kont naf li qed tfittxuni, għalhekk żammejt pistola fuqi" - l-akkużat   |  Seba’ flyovers mingħajr traffic lights fil-junction tal-Marsa   |  

Imut il-bniedem li kien jara s-soċjetà likwida

Alvin  Vassallo  -  09/01/17 06:46 PM

Il-Filosfu u Soċjologu Polakk Zygmunt Bauman miet fl-età ta’ 91 sena.

Imwieled il-Polonja fl-1925, Bauman għex f’Leed, l-Ingilterra. Huwa jibqa’ magħruf mad-dinja għat-teoriji postmoderni tiegħu u għat-teorija tiegħu ta’ soċjetà likwida.

F’għadd ta’ kotba Bauman jimraħ mill-imħabba għall-ħajja fejn kollha jiddeskrivihom bħala likwidi.

Dan hekk kif għalih, is-soċjetà kontemporanja u l-politika hija fluwida. Il-kawża ta’ dan jattribwixxiha għall-globalizzazzjoni, id-dinamiċi konsumeristiċi li ħolqu disorjentazzjoni fil-bniedem.

Tema oħra li tkellem dwar hija l-immigranti u l-mod ta’ kif għandna naċċettawhom. Huwa ġabar il-ħsibijiet tiegħu fuq ir-relazzjoni ma’ “ħaddieħor” li tinkludi anke l-barrani.

Huwa kien jobgħod il-‘ħitan’ li bniet l-Ewropa u r-razziżmu. Jgħid li dawn ġejjin mis-soċjetà beżgħana minn dak li ma jafux u mhux imdorrijin bih, minn dak li hu ‘anonimu’.