Newsbook

Free - On Google Play

View
Impjiegi minn jobsinmalta.com  
“Ejjew ma nibżgħux, imma nibżgħu għal xulxin” – L-Arċisqof   |  "Irrid li l-libelli li fetaħ Chris Cardona kontra ommi ma jaqgħux" - Iben DCG   |  Il-GWU tgħid li d-dimostrazzjoni tal-Ħadd kompliet tifred   |  Żagħżugħa tinżamm arrestata fuq suspett li qatlet lil binha tarbija

L-Air Malta tibda ttir ukoll lejn Ragusa

Yendrick  Cioffi  -  12/10/17 05:32 PM

Il-Linja Nazzjonali tal-Ajru, l-Air Malta, żiedet it-tielet ajruport fi Sqallija biex issa se tibda ttir ukoll lejn l-ajruport ta’ Cosimo fiż-żona ta’ Ragusa.

L-Air Malta se tibda topera dan is-servizz kull nhar ta’ Ġimgħa u nhar ta’ Ħadd mis-17 ta’ Diċembru.

In-nollijiet tal-Go Light tal-Air Malta se japplikaw fuq ir-rotta. Dan ifisser li passiġġier jista’ jmur Ragusa bi €39 għal kull direzzjoni, bit-taxxi u t-tariffi inklużi.

Is-sajf li għadda, l-Air Malta reġgħet bdiet topera lejn Palermo apparti 14-il titjira fil-ġimgħa lejn Katanja.

Meta wieħed iżur il-Belt ta’ Ragusa Ibla, ikollu wkoll l-opportunità li jżur bliet oħra pittoreski fil-viċin, fosthom Modica u Scicli, kollha Patrimonju Dinji tal-Unesco.

Apparti l-veduti, dawn l-ibliet huma magħruda għall-ikel tradizzjonali u nbejjed.

Iżjed dettalji fuq is-sit tal-Air Malta.