Newsbook

Free - On Google Play

View
Impjiegi minn jobsinmalta.com  
“Ejjew ma nibżgħux, imma nibżgħu għal xulxin” – L-Arċisqof   |  "Irrid li l-libelli li fetaħ Chris Cardona kontra ommi ma jaqgħux" - Iben DCG   |  Il-GWU tgħid li d-dimostrazzjoni tal-Ħadd kompliet tifred   |  Żagħżugħa tinżamm arrestata fuq suspett li qatlet lil binha tarbija

Ritratti: "Dan il-lejl neħħejna mit-toroq tagħna 550 kilo droga" - Il-Pulizija

Yendrick  Cioffi  -  13/10/17 08:53 AM

Matul il-lejl li għadda, il-Pulizija għamlet sejba ta' 550 kilogramma droga.

Waqt konferenza tal-aħbarijiet indirizzata mill-Assistent Kummissarju Dennis Theuma u li għaliha kien hemm preżenti l-Ispettur Kevin Pulis li mexxa r-rejd, intqal li nstabu 530 kilogramma raża tal-kannabis u 20 kilo pjanta tal-Kannabis.

 


B'kollox ġew arrestati ħames persuni, fosthom Taljani u persuna waħda Maltija, li l-età tagħhom tvarja minn 35 sa 60 sena.

Id-droga nstabet f'qiegħ falz ta' żewġ trakkijiet bi pjanċi Taljani u ammont żgħir fil-karozza tal-akkużat Malti.

Ir-rejds fuq dawn it-tliet vetturi saru f'San Ġiljan u l-Fgura.

 


Jidher li l-Pulizija kienet ilha diveri ġimgħat issewgi lil dan il-grupp tant li l-Assistena Kummissarju qal li l-Pulizija waqfet l-operat ta' grupp involut fi kriminalità organizzata."

Apparti minn hekk instabu wkoll €100,000 fi flus kontanti u għalhekk l-istess persuni jistgħu jitressqu l-Qorti akkużati wkoll b'ħasil ta' flus.

L-Assistent Kummissarju qal li ma hemm l-ebda dubju li l-flus ġew minn attività illegali marbuta mat-traffikar tad-droga.

"Pulizija qalbiena li ħaqqhom kull tifħir" - PN

Sadanittant, il-Partit Nazzjonalista qal fi stqarrija li dawn il-pulizija li qabdu d-droga jixirqilhom kull tifħir, għax fis-siegħa tal-prova wrew kemm huma kapaċi jkunu hemm għall-poplu meta jkun hemm bżonnhom.

Irringrazzja wkoll lill-membri tar-Rapid Intervention Unit (RIU) li aktar kmieni dalgħodu arrestaw 2 persuni b'rabta mas-serqa minn Tignè, u wħud minnhom saħansitra rriskjaw ħajjithom.