Newsbook

Free - On Google Play

View
Impjiegi minn jobsinmalta.com  
“Ejjew ma nibżgħux, imma nibżgħu għal xulxin” – L-Arċisqof   |  "Irrid li l-libelli li fetaħ Chris Cardona kontra ommi ma jaqgħux" - Iben DCG   |  Il-GWU tgħid li d-dimostrazzjoni tal-Ħadd kompliet tifred   |  Żagħżugħa tinżamm arrestata fuq suspett li qatlet lil binha tarbija

"L-ambjent irid ikun fid-DNA tal-investiment" - L-Isqof Grech

Matthew Borg  -  13/10/17 10:35 AM

L-Isqof t’Għawdex, Mario Grech, qal li l-ambjent irid ikun fid-DNA tal-investiment, u l-ekonomija trid tkun ħabiba tal-bniedem, inkella l-bniedem malajr isir parti minn loġika tal-iskart li l-ewwel tarmih, imbagħad toqtlu.

L-Isqof għadda dawn il-kummenti waqt li kien qed jinawgura fergħa ġdida tal-Bank APS, u fid-diskors tiegħu enfasizza dik li sejħilha “vokazzjoni soċjali” tal-banek.

Mons. Grech irrefera għal dak li kiteb il-Papa Franġisku f’Evangelii gaudium, meta sostna li l-kriżi finanzjarja tiġi wkoll meta min ifassal l-ekonomija jinsa lill-bniedem, u għalhekk din il-kriżi hi wkoll waħda antropoloġika: il-bniedem jiċċaħħad mir-rwol tiegħu fl-ekonomija.

“L-attività finanzjarja tkun soda biss jekk ikollha pedament umanistiku”, żied l-Isqof.

Irrimarma iżda li rridu nifirxu s-suġġetti li jaqgħu taħt l-etika finanzjarja, u mhux nieqfu nitkellmu biss dwar is-suq tal-armamenti jew l-industrija farmaċewtika jew fit-tax havens.

Temm jgħid li investiment ma jkunx etiku jekk jirrendi l-qligħ imma ma jagħtix kas tal-ambjent.

Ritratt: Arkivji