Newsbook

Free - On Google Play

View
Impjiegi minn jobsinmalta.com  
Jinstab raġel mejjet fil-baħar   |  "Diġà hemm ħafna kriminalità: Iżżiduhiex bil-'gentlemen's clubs'"   |  “Il-Knisja Maltija hi importanti għall-Papa” – In-Nunzju Appostoliku   |  Il-Golfo Azzurro ordnat jidħol Tripli b'theddid li jinfetaħ in-nar fuqu

​Filmat: “Il-PM għandu jirriżenja biex inaddaf ismu” - Simon Busuttil

Charmaine  Attard   -  21/04/17 11:15 AM

Il-Kap Nazzjonalista Simon Busuttil saħaq li l-Prim Ministru jinsab formalment taħt inkjesta maġisterjali u li wara li dak li ġie ppubblikat ilbieraħ, messu rriżenja biex inaddaf ismu.

F’konferenza tal-aħbarijiet, il-Partit Nazzjonalista appella lid-Deputati Laburisti biex ineħħuh huma għax Malta ma jistax ikollha Prim Ministru taħt sħaba ta’ korruzzjoni. Qal li Malta tinsab f'sitwazzjoni ta' kriżi politika u kostituzzjonali.

Saħaq li Dr Muscat kellu jirriżenja sena ilu meta faqqa’ l-iskandlu tal-Panama Papers.

Stqarr li l-kumpanija Egrant hi ta’ mart il-Prim Ministru, u għaldaqstant hi tal-Prim Ministru nnifsu.

Simon Busuttil sostna li hu l-irwol tal-Pulizija, l-FIAU, l-MFSA u s-Servizzi Sigrieti biex jinvestigaw dan l-iskandlu.

Żied jgħid li l-Pulizija huma pparalizzati u kkontrollati, u li huwa ta’ għajb li minflok fetaħ investigazzjoni, il-Kummissarju mar jiekol.

Sostna li hu lest li joffri protezzjoni għal min jikxef informazzjoni dwar il-Panama Papers u dwar kwalunkwe skandlu ieħor.

Il-Kap Nazzjonalista sejjaħ dimostrazzjoni l-Ħadd li ġej fil-Belt Valletta.

Ritratt u Filmat: Ian Noel Pace