Newsbook

Free - On Google Play

View
Impjiegi minn jobsinmalta.com  
​Godfrey Farrugia jirriżenja minn Whip tal-Partit Laburista   |  "L-uniku estremiżmu aċċettabbli huwa dak tal-karità" - il-Papa   |  KAŻ EGRANT: Il-‘whistleblower’ fil-gazzetti; it-Times tgħid li hemm akkużi kontriha   |  “L-ispiża fuq kull ħaddiem b’paga minima se tiżdied b’€450 sal-2019” – Gordon Cordina

Il-proġett Mosta Solidali jaqbad triqtu bit-tħabbir ta' diversi inizzjattivi

Matthew Borg  -  21/04/17 07:39 AM

Il-proġett Mosta Solidali qabad triqtu hekk kif ilbieraħ ġew ippreżentati għadd ta’proġetti soċjali minn għaqdiet varji tal-lokalità.

Dawn il-proġetti tħabbru waqt attività fil-Kunsill tal-Mosta, li għaliha kien hemm preżenti s-Segretarju Parlamentari għall-Gvern Lokali, Stefan Buontempo.

Filwaqt li rringrazzja lil dawk kollha li ħarġu b’dawn l-ideat li se jkunu ta’ għajnuna lill-anzjani, iż-żgħażagħ, l-annimali, kif ukoll imexxu l-isports u jippromwovu ħajja aktar b’saħitha, Buontempo stqarr li l-kunsilli lokali qed jieħdu l-opportunità offruti lilhom mill-Gvern permezz ta’ fondi allokati apposta.

Huwa qal li l-politika tal-Gvern hi waħda msejsa fuq il-ħtiġijiet tan-nies, politika li ma tħalli ’l ħadd barra.

Tkellem ukoll is-Sindku tal-Mosta, Ivan Bartolo, li rrimarka li l-kunsill tal-Mosta dejjem ħabrek biex jinkludi lil kulħadd.