Newsbook

Free - On Google Play

View
Impjiegi minn jobsinmalta.com  
Ma kontx naf x'se naqbad nagħmel" - Il-Gwardjan tal-Knisja ta' Ġieżu   |  Jinħassu xi theżżiżiet fin-Nofsinhar ta' Malta   |  Raġel arrestat wara li "qajjem kommossjoni" quddiem il-Knisja tat-Trinità fil-Marsa   |  Donald Trump lest 'iwaqqa' l-Gvern' l-aqwa li jibni l-ħajt   |  

'L-Eżodu taċ-Ċikonji' jrebbaħ lil Walid Nabhan

Lara Michelle Camilleri  -  21/04/17 01:12 PM

Il-kittieb Walid Nabhan rebaħ il-Premju tal-Unjoni Ewropea għal-Letteratura għall-2017.

Dan hekk kif bħalma jiġri kull tliet snin, din is-sena kien imiss lil Malta biex tagħżel wieħed mir-rebbieħa minn fost il-kittieba Maltin.

Nabhan, kittieb imwieled il-Ġordan f’familja ta’ refuġjati Palestinjani u kiseb iċ-ċittadinanza Maltija wara żmien twil jgħix f’Malta, ippubblika żewġ ġabriet ta’ novelli, ktieb tal-poeżiji, kif ukoll ir-rumanz ‘L-Eżodu taċ-Ċikonji’.

Dan ir-rumanz, li għalih ingħata l-premju, huwa dwar raġel Palestinjan imwieled f’kamp tar-refuġjati fil-Ġordan li sab ruħu jgħix Malta. Minbarra li huwa rakkont li jenfasizza r-relazzjonijiet bejn il-bnedmin f’sitwazzjonijiet diffiċli, huwa wkoll rakkont politiku.

F’Malta dan il-premju huwa rrappreżentat mill-Akkademja tal-Malti li hi membru tal-Kunsill Ewropew tal-Kittieba. Din is-sena, il-ġurija kienet magħmula mill-Professur Stella Borg-Barthet, Dr Stephen Bonanno, ir-Rev. Norbert Ellul Vincenti, Dr Marco Galea u Dr Adrian Grima.

Il-premju hu ffinanzjat mill-Programm Ewropea Kreattiva.