Newsbook

Free - On Google Play

View
Impjiegi minn jobsinmalta.com  
Assassinju DCG: L-Arċisqof b'messaġġ qawwi għall-ġurnalisti, għall-politiċi u għall-Maltin   |  L-avukat ta' DCG imħasseb bl-aġir tagħha ftit jiem qabel inqatlet   |  "Kont naf li qed tfittxuni, għalhekk żammejt pistola fuqi" - l-akkużat   |  Seba’ flyovers mingħajr traffic lights fil-junction tal-Marsa   |  

Aġġornata: Raġel bi ġrieħi gravi wara li pprova jrażżan nirien

Matthew Borg  -  21/04/17 07:12 AM

Raġel li pprova jitfi n-nirien minn karozza li ħadet in-nar fi Triq il-Fatati l-Ħamrun fis-sigħat bikrin ta’ dalgħodu sofra ħruq estensiv f’idejh, u ġie ċċertifikat li ġarrab ġrieħi gravi.

Ir-raġel għandu 30 sena u joqgħod Santa Venera.

L-inċident seħħ għall-ħabta tan-12.30am, xħin il-Pulizija ġew infurmati li kien hemm vettura qed tinħaraq fl-akkwati msemmija.

Il-Pulizija ppruvaw jitfu n-nirien fil-fire extinguishers tagħhom, iżda meta ma rnexxilhomx irażżnuh issejħu tal-Protezzjoni Ċivili.

Kelliem għall-Pulizija qal lil Newsbook.com.mt li r-raġel li sofra ħruq f’idejh prova jitfi n-nirien li kienu għadhom qed jaqbdu b’ġakketta, iżda ma rnexxilux irażżanhom.

Jidher li ma kien hemm ħadd fil-vettura waqt il-mument tal-ħruq, kif ukoll ebda vettura oħra ma ġarrbet ħsarat tort tal-ħruq.

Sadanittant, se tinfetaħ inkjesta sabiex jiġi indagat it-tqabbid tal-karozza kienx inenzjonat jew le.