Newsbook

Free - On Google Play

View
Impjiegi minn jobsinmalta.com  
Sajjetta tolqot żona fiż-Żurrieq u tikkawża nirien   |  Ikkonfermata l-analiżi ta' Newsbook: Debono jċedi s-siġġu   |  Kittieba konservattivi jakkużaw lill-Papa b'ereżija   |  "In-nisa m'għandhomx jirrifjutaw l-irġiel": Il-BA tinvestiga, oħrajn ma jaraw xejn ħażin   |  Merkel jew Schulz? Il-Ġermaniżi jivvutaw

"Wara s-siġar imiss lilna" - iċ-ċiklisti

Alvin  Vassallo  -  17/07/17 12:17 PM

Il-Bicycling Advocacy Group (BAG) qal li minkejja li Transport Malta tgħid li tippromwovi aktar iċ-ċikliżmu fil-prattika qed tagħmel l-oppost.

Fl-isfond dwar it-tkabbir tar-roundabout f’Ħal Lija, il-BAG qal li ma kienx hemm konsultazzjoni jew pjan biex titjieb is-sigurtà għaċ-ċiklisti u għan-nies li jimxu fit-toroq.

Fi stqarrija, il-grupp spjega li minħabba dan il-proġett mhux biss inqerdu s-siġar tal-Ballut mit-Triq Dun Karm, Triq in-Naxxar u fi Triq il-Kbira fl-Iklin iżda hemm theddida kbira fuq is-sigurtà tan-nies li jkun qed jimxu f’dawk l-inħawi.

Saħaq li b’dan il-proġett iċ-ċiklisti u n-nies mhux se jkun jistgħu joħorġu fit-toroq b’serħan il-moħħ.

Fl-isfond tal-qerda tas-siġar, il-BAG ilmenta li qed tkun mhedda wkoll is-saħħa taċ-ċittadini minħabba n-nuqqas ta’ arja nadifa.

"L-aġir ta' Trasport Malta huwa inaċċettabbli" - PN

Min-naħa tiegħu l-Partit Nazzjonalista wkoll ilmenta kontra l-qerda tas-siġar minn Transport Malta f’Ħal Lija.

Fi stqarrija qal li l-aġir ta’ TM huwa inaċettabbli u jmur kontra l-interess ambjentali ta' Malta, hekk kif tqaċċtu siġar li kellhom ’il fuq minn 100 sena.

Stqarr li l-Gvern għandu jirrispetta l-ispirtu tal-liġi u jiżgura li azzjonijiet bħal dawk li ħadet Transport Malta ma jerġgħux jirrepetu ruħhom.