Newsbook

Free - On Google Play

View
Impjiegi minn jobsinmalta.com  

​Jasal it-tabib li jista’ jkun l-aħħar tama għat-tarbija Charlie

Josianne  Camilleri  -  17/07/17 04:17 PM

It-tabib Amerikan li offra li jikkura lit-tarbija Charlie Gard ta’ 11-il xahar b’kundizzjoni rari, wasal ir-Renju Unit u ltaqa’ mat-tobba tal-isptar Great Ormond Street.

Hu mifhum li t-tabib jinsab akkumpanjat minn tabib ieħor mill-isptar tal-Papa f’Ruma.

Dr Michio Hirano mistenni jiddiskuti l-kundizzjoni ta’ Charlie u jkun deċiż jekk it-tifel imurx l-Istati Uniti għal kura esperimentali.

Dr Hirano qed jingħata aċċess sħiħ għall-informazzjoni medika ta’ Charlie, sabiex ikun jista’ jingħata l-aħjar kura.

Bħal għada ġimgħa, il-Maġistrat mistenni jieħu d-deċiżjoni finali dwar il-futur tat-tarbija.

Charlie jinsab f’nofs kontroversja legali wara li l-isptar Great Ormond Street kien qal li ma fadalx kura għalih u kien tal-parir li jintfew il-magni.