Newsbook

Free - On Google Play

View
Impjiegi minn jobsinmalta.com  
Adrian Delia bi stedina għall-Prim Ministru   |  Arrestati aktar uffiċjali Katalani   |  "Is-siġġu tan-nies" - Ivan Bartolo; Cordina se jibqa’; Marlene qed tagħmel suwiċidju - Briguglio   |  Puli ma jgħidx hux lest li jċedi s-siġġu; pressjoni fuq Schiavone   |  L-Arċisqof iħeġġeġ lill-għalliema biex ikollhom stil san ta’ ħajja

Aġġornata: 7 miljun persuna 'tivvota' kontra Maduro

Matthew Borg  -  17/07/17 06:26 AM

Hekk kif sa dalgħodu laħqu ngħaddew il-voti, aktar minn 7 miljun persuna vvutaw kontra r-riformi kostituzzjonali li jrid il-President tal-Venezwela, Nicolas Maduro.

Dan wara li lbieraħ l-Oppożizzjoni organizzat elezzjoni mhux uffiċjali, wara li l-pajjiż ilu għal dawn l-aħħar xhur fi kriżi ekonomika, politika u kostituzzjonali.

Fil-Venezwela hemm 19.5 miljun votant reġistrat, u mis-7 miljuni li vvutaw 98% tagħhom m’approvawx ir-riformi tal-Gvern Soċjalist ta’ Maduro, kif ukoll sejħu għal elezzjoni qabel ma tispiċċa l-leġiżlatura fl-2019.

Sadanittant, Maduro sejjaħ għal elezzjoni fit-30 ta’ Lulju sabiex titwaqqaf assemblea ġdida, li se jkollha l-poter li tbiddel il-kostituzzjoni u tħoll xi istituzzjonijiet, iżda ħafna huma tal-fehma li din l-assemblea l-ġdida se ssir biex isservi lil Maduro biex twittilu t-triq għal dittatorjat.

Ilbieraħ persuna nqatlet fil-kapitali Caracas b’tiri hija u tistenna biex tivvota fl-elezzjoni.

L-infermiera, li għandha 61 sena, intlaqtet minn tiri sparati minn persuni fuq mutur li fetħu n-nar fuq il-kju jistenna biex jivvota.

Minn April sal-lum, mal-100 persuna mietu fi protesti kontra l-Gvern attwali.

Ilbieraħ ukoll, ġurnalist insteraq u ssawwat minn xi persuni.

Catia, fejn seħħ il-qtil, hija parti fqira tal-kapitali Caracas, u normalment dejjem kien hemm sapport għas-soċjaliżmu mibdi minn Hugo Chavez, u mtenni minn Maduro.