Newsbook

Free - On Google Play

View
Impjiegi minn jobsinmalta.com  
Jinstab raġel mejjet fil-baħar   |  "Diġà hemm ħafna kriminalità: Iżżiduhiex bil-'gentlemen's clubs'"   |  “Il-Knisja Maltija hi importanti għall-Papa” – In-Nunzju Appostoliku   |  Il-Golfo Azzurro ordnat jidħol Tripli b'theddid li jinfetaħ in-nar fuqu

Ikkonfermata: L-ebda azzjoni dixxiplinarja kontra Edwin Vassallo

Yendrick  Cioffi  -  11/08/17 11:54 AM

L-Eżekuttiv tal-Partit Nazzjonalista kkonferma dak li żvela Newsbook.com.mt fil-jiem li għaddew, li l-Eżekuttiv mhux se jieħu l-ebda azzjoni dixxiplinarja fil-konfront tad-Deputat Nazzjonalista Edwin Vassallo, li kien l-uniku Deputat li mar kontra d-deċiżjoni tal-Grupp Parlamentari u vvota kontra ż-żwieġ bejn persuni tal-istess sess.

Fi stqarrija, il-Partit Nazzjonalista insista li kien il-Kap tal-Partit Nazzjonalista Simon Busuttil li ppropona li ma jittieħdu l-ebda passi kontra Vassallo.

F’kummenti li kien ta lil Newsbook.com.mt, id-Deputat Edwin Vassallo kien insista li hu inġust li f’kwistjonijiet ta’ kuxjenza, il-Gvern u l-Oppożizzjoni se jibqgħu jimponu ruħhom.

Kien qal ukoll li se jivvota skont il-kuxjenza għax hu Nisrani qabel ma hu Nazzjonalist u li lest joqgħod għal kull dixxiplina li jitlob minnu l-partit.

F’kumment dwar din id-deċiżjoni, il-Kap tal-Partit Nazzjonalista Simon Busuttil qal li l-importanti mhux kif ivvota Deputat, imma li l-Partit Nazzjonalista għamel passi kbar “favur l-ugwaljanza f’pajjiżna,” minkejja li “kien pass diffiċli għal xi wħud.”

L-istqarrija ttemm tgħid li l-Kap tal-Partit wera l-apprezzament tiegħu lejn deputati oħra, li minkejja li kellhom riżervi dwar il-liġi baqgħu leali lejn il-partit u vvutaw mal-kumplament tal-Oppożizzjoni.