Newsbook

Free - On Google Play

View
Impjiegi minn jobsinmalta.com  
Assassinju DCG: L-Arċisqof b'messaġġ qawwi għall-ġurnalisti, għall-politiċi u għall-Maltin   |  L-avukat ta' DCG imħasseb bl-aġir tagħha ftit jiem qabel inqatlet   |  "Kont naf li qed tfittxuni, għalhekk żammejt pistola fuqi" - l-akkużat   |  Seba’ flyovers mingħajr traffic lights fil-junction tal-Marsa   |  

Chris Said 'favur li l-art f'Pembroke tiġi salvata'; Il-Gvern jiċħad diverġenzi fuq temi ambjentali

Alvin  Vassallo  -  12/08/17 07:46 PM

Il-Kandidat għall-Kap tal-Partit Nazzjonalista Chris Said qal li hu favur li l-art tiġi salvata u sostna li huwa d-dmir tal-Gvern li jgħid x’inhi l-pożizzjoni tiegħu.

Dan hekk kif residenti minn Pembroke li kienu rrabbjati għal dak li qed iseħħ fil-lokalità tagħhom iddominaw konferenza tal-aħbarijiet tal- Kandidat għall-Kap tal-Partit Nazzjonalista Chris Said.

Huma lmentaw li Dr Said messu attenda nhar it-8 ta’ Awwissu, meta saret il-protesta kontra proġett propost għall-bini ta’ skola f’art verġni  biex jieħu pożizzjoni.

Il-konferenza tal-aħbarijiet, bit-tema tal-Kunsilli Lokali daret fuq it-tħassib tar-residenti, fejn Dr Said wieġeb għadd ta’ domandi.

Intant Dr Said tkellem ukoll dwar il-Kunsilli Lokali li fi kliemu dawn qegħdin hemm biex jaqdu liċ-ċittadini.

Huwa qal li l-Kunsilli Lokali ilhom 25 sena mwaqqfin u għalhekk wasal iż-żmien biex tiġi analizzata l-ħidma tagħhom.

Huwa elenka għadd ta’ proposti li fi kliemu jekk ikun elett Kap se jkun qed jiddiskuti u jimplimenta fosthom jinħatar direttur fi ħdan il-Partit biex jikkordina l-ħidma parlamentari ma’ dik amministrattiva fi ħdan il-Kunsilli Lokali, jinżammu laqgħat bejn il-kumitat sezzjonali u l-kunsilliera lokali tal-Partit, konferenza nazzjonali b’temi ta’ interess għall-Kunsilli Lokali, laqgħat mal-kunsilliera, jingħata spazju mill-midja tal-PN għall-Kunsilli Lokali u darba f’ġimgħa jaħdem minn lokalità differenti biex ikun viċin il-poplu.

Żied jgħid li l-indafa għandha tkun prijorità għall-Kunsilli Lokali.

"Ma hemmx diverġenzi tal-Gvern fuq temi ambjentali" - Ministeru għall-Edukazzjoni u x-Xogħol

Fi stqarrija b'reazzjoni, il-Ministeru għall-Edukazzjoni u x-Xogħol qal li mhux minnu li fil-Gvern hemm diverġenzi fuq temi ambjentali.

Saħaq li l-manifest tal-Partit Laburista jitkellem ċar u jgħid li l-ambjent għandu jingħata l-importanza meħtieġa u l-iżvilupp għandu jsir b’mod sostenibbli. 

Iddeskriva bħala "allegazzjoni falza" kumment ta' Chris Said meta qal li Evarist Bartolo qal li “Pembroke m’għandux jibqa’ pulmun."