Newsbook

Free - On Google Play

View
Impjiegi minn jobsinmalta.com  
Jinstab raġel mejjet fil-baħar   |  "Diġà hemm ħafna kriminalità: Iżżiduhiex bil-'gentlemen's clubs'"   |  “Il-Knisja Maltija hi importanti għall-Papa” – In-Nunzju Appostoliku   |  Il-Golfo Azzurro ordnat jidħol Tripli b'theddid li jinfetaħ in-nar fuqu

Il-PD jitlob lill-Ministru jxammar il-kmiem dwar it-trasport pubbliku li 'ħa nagħsa'

Matthew Borg  -  12/08/17 02:03 PM

Il-Partit Demokratiku talab lill-Ministru għat-Trasport ixammar il-kmiem u jagħmel xi ħaġa għall-qagħda tat-trasport pubbliku deskritta minnu bħala “tal-biki”.

Il-PD qal fi stqarrija li s-servizz ilu għal dawn l-aħħar snin f’nagħsa li donnha ma tridx titlaq, u għal dan kollu qed ikollu jħallas il-poplu.

Il-partit tal-oranġjo rrimarka li saret komuni li xarabank tasal tard jew ma tasal qatt, u dan minkejja li l-poplu ħallas €29 miljun fl-2014, €23 miljun fl-2015 u €27 miljun is-sena l-oħra f’sussidji għas-servizz.

Il-PD saħaq li b’dawn il-miljuni kollha suppost hawn servizz state of the art.

Barra minn hekk, il-partit talab biex jiġu indirizzati l-kundizzjonijiet tal-ħaddiema tas-servizz pubbliku tat-trasport.

Argumenta li m’hemmx kundizzjonijiet tajbin biżżejjed, għax kieku ma jkunx hemm rata għolja ta’ ħaddiema ġejjin u sejrin.

Temm jgħid li huwa biss billi jitjieb is-servizz li tiġi indirizzata wkoll il-konġestjoni tat-traffiku, li qed tkompli tgħakkes is-sitwazzjoni tat-toroq.

Ritratt: Arkivji