Newsbook

Free - On Google Play

View
Impjiegi minn jobsinmalta.com  
Jinstab raġel mejjet fil-baħar   |  "Diġà hemm ħafna kriminalità: Iżżiduhiex bil-'gentlemen's clubs'"   |  “Il-Knisja Maltija hi importanti għall-Papa” – In-Nunzju Appostoliku   |  Il-Golfo Azzurro ordnat jidħol Tripli b'theddid li jinfetaħ in-nar fuqu

“L-esperjenzi ta’ missirijietna għandhom iħeġġuna biex naħdmu għall-paċi” – Il-President

Christoph  Schwaiger  -  13/08/17 05:11 PM

Il-President ta’ Malta Marie-Louise Coleiro Preca qalet li l-esperjenzi ta’ kunflitt u vjolenza li għaddew minnhom missirijietna fil-gwerra jistednuna biex nikkonsidraw l-għażliet li qed namlu llum.

Dan qalitu waqt id-diskors tagħha fil-kommemorazzjoni tal-75 anniversarju mill-wasla tal-Konvoj ta’ Santa Marija li saret fiż-żona ta’ Liesse fil-Belt Valletta.

Il-President irrakkontat kif il-konvoj ta’ Santa Marija ta s-saħħa lill-Maltin u lill-Għawdxin meta kienu f’punt li jaqtgħu qalbhom.

Qalet li temmen li l-esperjenzi tal-Maltin u l-Għawdxin ta’ dak iż-żmien għandhom iħeġġu lil dawk tal-lum biex jaħdmu għall-paċi.

Il-President kompliet tgħid li l-paċi ma tfissirx biss nuqqas ta’ gwerra. Il-paċi pożittiva tintlaħaq ukoll meta noħolqu żoni siguri, ta’ protezzjoni u rispett fejn tkun irrispettata il-parteċipazzjoni ta’ kulħadd.

F’ċerimonja oħra, organizzata mill-Fondazzjoni Wirt Artna u li saret fil-Lascaris War Rooms, il-Ministru għall-Kultura Owen Bonnici wkoll tkellem dwar l-importanza tal-Konvoj.

Saħaq li huwa importanti li wieħed jieħ uħsieb l-istorja tal-pajjiż u jibża’ għal postijiet ta’ valur storiku u jieħu sehem f’attivitajiet ta’ re-enactments, li jagħtu ħajja mill-ġdid l-avvenimenti li sawruna.

Ritratti: OPR; DOI - Jason Borg