Newsbook

Free - On Google Play

View
Impjiegi minn jobsinmalta.com  
Jinstab raġel mejjet fil-baħar   |  "Diġà hemm ħafna kriminalità: Iżżiduhiex bil-'gentlemen's clubs'"   |  “Il-Knisja Maltija hi importanti għall-Papa” – In-Nunzju Appostoliku   |  Il-Golfo Azzurro ordnat jidħol Tripli b'theddid li jinfetaħ in-nar fuqu

Mara tmut u oħrajn jindarbu wara li karozza nstaqet għal fuq dimostranti f'Virginia

Yendrick  Cioffi  -  13/08/17 07:30 AM

Mara nqatlet u d-19-il persuna ndarbu meta karozza nstaqet għal fuq persuni li kienu qed jipprotestaw f’dimostrazzjoni organizzata minn gruppi tal-lemin estrem fl-istat ta’ Virginia fl-Istati Uniti.

Aktar kmieni, kien irrapurtat ġlied bejn dawk li jsejħu lilhom infushom nazzjonalisti u dimostranti oħra li niżlu wkoll fit-toroq jipprotestaw kontrihom.

Intant, il-Gvernatur ta’ Virginia, Tryy McAuliffe qal li l-uniku messaġġ li jista’ jgħaddi lil dawk li “qajmu kaos fil-belt ta’ Charlottesville” huwa: “morru d-dar.”

Min-naħa tiegħu, l-Avukat Ġenerali tal-Istati Uniti, Jeff Sessions, qal li l-vjolenza li seħħet f’Charlottesville hija attakk fuq il-qalba tal-liġi u l-ġustizzja Amerikana.

Il-Pulizija arrestat lis-sewwieq tal-karozza, li għad għandu biss 20 sena.

Aktar kmieni, f’inċident separat iżda fl-istat stat, ħelikopter tal-Pulizija ta’ Virginia waqa’ u ħalla żewġ persuni mejta.