Newsbook

Free - On Google Play

View
Impjiegi minn jobsinmalta.com  

Raġel jitwaqqaf fl-ajruport wara li nstabu fuqu aktar minn €11,000

Yendrick  Cioffi  -  13/08/17 10:25 AM

Uffiċjali tad-Dwana fl-Ajruport Internazzjonali ta’ Malta waqqfu raġel li kien fi triqtu lejn il-Kajr, fl-Eġittu, wara li fuqu nstab li kellu €11,300 fi flus kontanti.

Waqt tfittxija, l-uffiċjali sabu l-flus minn diversi pajjiżi, fil-handluggage tar-raġel Libjan, ftit qabel ma qabad titjira lejn Istanbul.

Huwa kellu €11,300, 2,060 Lira Eġizzjana u 140 Dinar Tuneżin.

Ir-raġel twaqqaf wara li ma ddikjarax mad-Dwana li se jivjaġġa b’aktar minn €10,000 fuqu.

Hu qal li ma kienx jaf b’din il-liġi u insista mal-uffiċjali li kien se juża l-flus biex ikopri l-ispejjeż tal-vjaġġi.

Il-liġi Ewropea u anke dik Nazzjonali tirrikjedi li min se jsiefer b’aktar minn €10,000, għandu jiddikjara dan fid-Dwana tal-pajjiż.