Newsbook

Free - On Google Play

View
Impjiegi minn jobsinmalta.com  
Sajjetta tolqot żona fiż-Żurrieq u tikkawża nirien   |  Ikkonfermata l-analiżi ta' Newsbook: Debono jċedi s-siġġu   |  Kittieba konservattivi jakkużaw lill-Papa b'ereżija   |  "In-nisa m'għandhomx jirrifjutaw l-irġiel": Il-BA tinvestiga, oħrajn ma jaraw xejn ħażin   |  Merkel jew Schulz? Il-Ġermaniżi jivvutaw

Florida: L-Uragan iħalli aktar minn 6 miljun dar bla dawl

Yendrick  Cioffi  -  12/09/17 11:22 AM

Madwar 6.5 miljun dar fi Florida, jew żewġ terzi tat-total, jinsabu mingħajr provvista tal-elettriku hekk kif l-Uragan Irma qed ikompli jagħmel ħerba mill-Istat Amerikan.

Bħalissa mijiet ta’ inġiniera qed jippruvaw jirranġaw il-ħsara għalkemm għadhom ma jistgħux jaslu ħdejn diversi impjanti minħabba l-għargħar.

L-iżjed li ġew milquta ħażin huma l-gżejjer Florida Keys u l-villaġġi fil-punent tal-Istat.

Irma laqat lil Florida l-Ħadd li għadda bala Uragan ta’ kategorija erbgħa iżda fl-aħħar sigħat jidher li naqqas mill-forza tiegħu.

Meta laqat Atlanta, ir-riħ kien għaddej b’56 kilometru fis-siegħa. Meta kien għadu b’saħħtu, l-Uragan ġab miegħu riħ li f’ħinijiet laħħaq il-252 kilometru fis-siegħa.

Skont rapporti, fi Florida mietu erba’ persuna iżda l-ġimgħa li għaddiet l-Uragan ħasad il-ħajja ta’ madwar 40 persuna fil-Ġżejjer tal-Karibew.