Newsbook

Free - On Google Play

View
Impjiegi minn jobsinmalta.com  
Sajjetta tolqot żona fiż-Żurrieq u tikkawża nirien   |  Ikkonfermata l-analiżi ta' Newsbook: Debono jċedi s-siġġu   |  Kittieba konservattivi jakkużaw lill-Papa b'ereżija   |  "In-nisa m'għandhomx jirrifjutaw l-irġiel": Il-BA tinvestiga, oħrajn ma jaraw xejn ħażin   |  Merkel jew Schulz? Il-Ġermaniżi jivvutaw

#jienavoluntier: It-tifel li jgħix bil-mużika bis-saħħa ta’ Patri Malti

Josianne  Camilleri  -  14/09/17 01:52 PM

Ġuvnott ta’ 15-il sena minn familja fqira ħafna fil-Filippini se jkun jista’ jwettaq il-ħolma tiegħu li jistudja l-mużika f’Manila, bis-saħħa ta’ Patri Joe Cremona li jaħdem mat-tfal tat-triq.

F’intervista ma’ George Cremona, li qed jagħmel esperjenza ta’ xahrejn fil-Filippini, Patri Cremona mis-Soċjetà Missjunarja ta’ San Pawl jispjega x-xogħol li jsir ma’ tfal tat-triq fiċ-ċentru José de Piro.

Żewġ żagħżagħ oħra diġà qed jistudjaw il-mużika f’Manila fejn qed jingħataw l-għajnuna mill-MSSP.

Mat-tmenin żagħżugħ u żagħżugħa, uħud minnhom bla saqaf fuq rashom għal matul il-lejl, isibu kenn f’dan iċ-ċentru fejn jitgħallmu l-isports, jattendu għall-quddiesa, jieklu u jitgħallmu l-mużika.

Patri Cremona jispjega li t-tfal urew interess li jitgħallmu l-kitarra, l-vjolin u l-pjanu u bagħat xi wħud minnhom ukoll biex jitgħallmu l-vuċi. B’hekk inbniet orkestra ta’ 45 membru tal-kbar bit-tfal jgħallmu lil tfal oħra.

Jgħid li b’hekk it-tfal għandhom opportunità ġdida; fejn qabel l-unika tama tagħhom kienet li jitilqu mill-pajjiż u jmorru jaħdmu fil-Qatar jew l-Għarabjaw Sawdita.