Newsbook

Free - On Google Play

View
Impjiegi minn jobsinmalta.com  

Vodafone Malta tibgħat messaġġ qawwi favur l-inklużjoni

Leon  Xuereb  -  02/09/17 05:06 PM

Vodafone Malta qed tappoġġja l-Malta Pride 2017, mossa li tirrifletti l-kultura t’inklużjoni li l-kumpanija tħaddan fil-qofol tagħha.

Il-kumpanija qed tfittex għadd ta’ kandidati diversi li kapaċi jpoġġu enfasi fuq il-klijent u li għandhom ħiliet diġitali, kif ukoll ir-rieda li jitgħallmu u jitjiebu b’mod kontinwu.

Vodafone temmen bi sħieħ li jekk hija tkun kumpanija diversa u inklużiva, ser tkun f’pożizzjoni li żżomm u tattira l-aqwa talent lejn Vodafone, kif ukoll tagħmel l-aqwa għażliet għall-konsumatur.

Fil-qofol tal-kumpanija, li topera politika ta’ tolleranza żero lejn id-diskriminazzjoni, hemm it-twemmin li impjegati li huma stmati għad-diversità li jġibu fuq il-post tax-xogħol, jistgħu tassew ikunu huma nfushom u b’hekk jirnexxu.

Il-kap eżekuttiv ta’ Vodafone Malta, Amanda Nelson, sostniet li l-fatt li wieħed joffri opportunitajiet indaqs u inklussivi lil persuni LGBT ma kienx biss wieħed moralment korrett, iżda kien ukoll jagħmel sens minn aspett ta’ negozju.

Ingħaqad ma’ Vodafone u żur is-sit għal aktar tagħrif fuq kif tibni karriera ma’ Vodafone.