Newsbook

Free - On Google Play

View
Impjiegi minn jobsinmalta.com  

Turkija: Jiġġarraf ajruplan; imut pilota

Leon  Xuereb  -  21/09/17 09:22 PM

L-ajruport prinċipali t’Ataturk f’Istanbul ingħalaq wara li ġġarraf jet.

L-inċident seħħ għal ħabta tad-9pm x’ħin jet privat iġġarraf fuq ir-runway minħabba problemi tekniċi waqt it-tlugħ fil-bidu tal-vjaġġ li suppost kellu jmur fl-ajruport ta' Ercan fit-Tramuntana ta' Ċipru.

Skont il-midja internazzjonali fil-ħin tal-inċident fuq il-jet kien hemm żewġ piloti, flight attendant u passiġġier.

Fuq il-post marru pumpiera biex jikkontrollaw in-nirien li ħakmu l-jet wara li ħa n-nar u sploda hekk kif iġġarraf.

L-awtoritajiet Torok qalu li wieħed mill-piloti ġie ċertifikat mejjet fuq il-post filwaqt li t-tliet persuni oħra li kienu abbord ittieħdu l-isptar wara li sofrew ġrieħi serji.

L-ajruport reġa' infetaħ mill-ġdid għall-ajruplani ftit qabel il-11pm.