Newsbook

Free - On Google Play

View
Impjiegi minn jobsinmalta.com  
Sajjetta tolqot żona fiż-Żurrieq u tikkawża nirien   |  Ikkonfermata l-analiżi ta' Newsbook: Debono jċedi s-siġġu   |  Kittieba konservattivi jakkużaw lill-Papa b'ereżija   |  "In-nisa m'għandhomx jirrifjutaw l-irġiel": Il-BA tinvestiga, oħrajn ma jaraw xejn ħażin   |  Merkel jew Schulz? Il-Ġermaniżi jivvutaw

“Bgħattna lis-seminaristi d-dar minħabba l-uragan” – saċerdot Malti fi Florida

Christoph  Schwaiger  -  08/09/17 07:10 PM

Id-direttur tas-seminarju maġġuri fid-distrett ta’ Florida, Dun Nicholas Cachia, qal li s-seminaristi tiegħu ntbagħtu d-dar minħabba l-uragan Irma.

Dan id-deċiżjoni ttieħdet kemm għas-sigurtà tagħhom kif ukoll biex ikunu jistgħu jagħtu daqqa t’id lil dawk li jkunu fil-bżonn tal-għajnuna tagħhom.

Dun Cachia huwa Professur tat-Teoloġija Spiritwali u tal-Kelma Mqaddsa. Huwa jagħmel parti mis-seminarju San Vinċenz de Paul, li twaqqfet fl-1963 u għenet fil-formazzjoni ta’ aktar minn 600 qassis.

Dun Nicholas Cachia kien qed jagħti l-kummenti tiegħu waqt intervista ma’ Newsbook.com.mt, fejn qal li ingħataw struzzjonijiet biex ir-residenti qrib ix-xtut ta’ Florida jevakwaw minħabba l-uragan Irma. L-awtoritajiet qalulhom biex isibu post fl-għoli u sigur kontra l-irjiħat.

L-uragan Irma ngħata l-kategorija ħamsa, jiġifieri l-aktar kategorija għolja li jista’ jikseb uragan. Skont rapporti f’ġurnali barranin jidher li mietu aktar minn għaxar persuni minħabba din il-maltempata.