Newsbook

Free - On Google Play

View
Impjiegi minn jobsinmalta.com  

L-airshow titħassar "għax ma weġibx il-Ministeru"

Stefan  Pullicino  -  13/01/18 12:34 PM

Is-Soċjetà Maltija tal-Avjazzjoni qalet li mhux din is-sena mhux se torganizza l-Air Show Internazzjonali ta’ Malta wara li t-talbiet tagħha qed jiġu injorati mill-Ministeru għat-Turiżmu.

F’post fuq Facebook dalgħodu, l-għaqda qalet li minkejja kitbet lill-Ministru għat-Turiżmu ftit sigħat biss wara li spiċċat l-edizzjoni tas-sena l-oħra, baqgħet ma rċeviet l-ebda risposta.

Qalet li dan mhu qed iħallilha l-ebda triq oħra ħlief li tħassar l-avveniment ta’ din is-sena.

Is-Soċjetà Maltija tal-Avjazzjoni qalet li qed titlob lill-Ministeru, linji-gwida u impenn mill-Gvern għall-edizzjonijiet future ta’ din il-wirja. Spjegat id-delużjoni tagħha li wara 25 sena ta’ suċċessi fl-Air Show, is-soċjetà lanqas biss tirċievi risposta.

Qalet li avveniment bħal dan, jitlob xhur sħaħ ta’ thejjijiet u tapprezza wkoll li għaddejjin xogħlijiet fl-Ajruport Internazzjonali ta’ Malta.

Esprimiet it-tama li l-edizzjoni tal-Airshow tkun tista’ ssir mill-ġdid fl-2019.

Ritratt: Arkivji - Ian Noel Pace