Newsbook

Free - On Google Play

View
Impjiegi minn jobsinmalta.com  

Monte Karmeli: “M’hemmx każi ġodda ta’ Legionella; traċċi ta’ ilma kontaminat f’2 swali”

Nicole  Borg  -  17/01/18 05:52 PM

L-Isptar Monte Karmeli ddikjara li ma nstab l-ebda każ ġdid ta’ Legionella fl-isptar.

Fi stqarrija, l-isptar ċaħad l-aħbar ta’ Net News, li nstabu każi ġodda ta’ dan il-mikrobu fl-isptar.

Żied jgħid li hemm għaddej moniteraġġ kontinwu tas-sistema tal-ilma fl-isptar l-antik.

Fisser kif waqt il-moniteraġġ instabu traċċi ta’ ilma kkontaminat f’żewġ swali fejn is-sistemi tal-ilma tax-xorb tagħhom ingħalqu immedjatament u beda l-proċess tat-tindif tal-ilma bil-chlorine.

L-istqarrija tkompli tgħid kif is-sistema tal-ilma fl-Isptar Monte Karmeli hija waħda antika u tmur lura għall-150 sena. Għaldaqstant, qal li fil-preżent hemm diversi proġetti għaddejjin sabiex isir ristrutturar tal-isptar li jinkludu ukoll is-sistema tal-ilma.