Newsbook

Free - On Google Play

View
Impjiegi minn jobsinmalta.com  

​Imħabbra ċ-Ċentri ta’ Informazzjoni Ġodda Europe Direct

Charmaine  Attard   -  12/02/18 12:31 PM

Il-Malta-EU Steering & Action Committee (MEUSAC), l-Università ta’ Malta u l-Gozo Business Chamber ntgħażlu biex jospitaw iċ-Ċentri ta’ Informazzjoni Europe Direct (EDIC) f’Malta u Għawdex għat-tliet snin li ġejjin.

Dawn iċ-ċentri jipprovdu informazzjoni liċ-ċittadini dwar l-Unjoni Ewropea u l-attivitajiet tagħha. Iwieġbu l-mistoqsijiet tal-pubbliku dwar l-UE, jidderieġu liċ-ċittadini lejn l-aqwa għejun ta’ informazzjoni dwar is-suġġett, kif ukoll iqassmu l-pubblikazzjonijiet tal-Unjoni Ewropea.

Jaħdmu wkoll b’mod proattiv mas-soċjetà ċivili, billi jorganizzaw Djalogi bejn iċ-Ċittadini u l-Kummissarji li jkunu qed jżuru ’l Malta jew inkella bl-organizzazzjoni ta’ proġetti ma’ ċentri ta’ informazzjoni minn Stati Membri oħra, fost bosta attivitajiet oħrajn.

L-organizzazzjonijiet li jospitaw iċ-ċentri Europe Direct ntgħażlu wara Sejħa għall-Proposti fost l-Istati Membri fl-2017.

L-EDICS f’Malta u Għawdex huma parti minn xibka ta’ 450 ċentru ta’ informazzjoni dwar l-UE madwar l-Unjoni kollha.

Iċ-ċentri jistgħu jiġu kkuntattjati hawn: 

EDIC UNIVERSITÀ

L-Istitut għall-Istudji Ewropej

L-Università ta’ Malta

L-Imsida, MSD 2080

Tel: 2340 2998

Imejl: edic@um.edu.mt

 

EDIC VALLETTA

Malta-EU Steering and Action Committee (MEUSAC)

280 Triq ir-Repubblika

Valletta, VLT 1112

Tel: 2200 3316

Email: edicvalletta.meusac@gov.mt

 

EDIC GĦAWDEX

The Gozo Business Chamber

The Brokerage, Level 4A

Triq Santa Marta

Victoria, VLT 2551

GĦAWDEX

Tel: 21 563389

Email: edic@europedirectgozo.org