Newsbook

Free - On Google Play

View
Impjiegi minn jobsinmalta.com  

Aġġornata: Sejba 40kg droga; 3 arrestati

Nicole  Borg  -  23/03/18 09:39 AM

Il-Pulizija arrestat tliet irġiel wara li nqabdu b'40kg droga tal-kannabis f'rejd li sar fil-Ħamrun ilbieraħ wara nofsinhar.

Il-Ministru għas-Sigurtà Nazzjonali, Michael Farrugia, kien l-ewwel li ħabbar dan il-każ fi tweet.

Fi stqarrija separata, il-Pulizija ħabbret li din ir-rejd mill-Iskwadra ta’ Kontra l-vizzju tad-Droga wasslet għall-arrest ta’ Malti u żewġ Taljani.

Il-persuni li l-età taghom tvarja bejn it-33 u 47 sena kienu arrestati wara li nstab li kellhom 39.5 kilogrammi ta’ ħaxixa tal-kannabis u madwar nofs kilo raża tal-kannabis. Magħhom instab li kellhom ukoll arma tan-nar u madwar €16,000 fi flus kontanti.

Is-suspettati se jitressqu l-Qorti fil-jiem li ġejjin.