Newsbook

Free - On Google Play

View
Impjiegi minn jobsinmalta.com  

Facebook twaqqaf 200 app; tinvestiga eluf

Charmaine  Attard   -  14/05/18 09:19 PM

Il-kumpanija li tmexxi Facebook qalet li ssospendiet 200 app u li qed tinvestiga eluf oħra, biex tipprevjeni skandlu ieħor simili għal ta’ Cambridge Analytica.

Skont Business Insider, il-kumpanija ma semmietx l-apps li ssospendiet, minħabba li għadha qed tikkonferma li użaw ħażin l-informazzjoni fuq in-nies.

Uffiċjal ta’ Facebook qal illum li fejn isibu l-provi, se jipprojbixxu l-apps minn Facebook waqt li jinfurmaw lill-pubbliku.

Il-kumpanija saħansitra qed tikkunsidra li żżur l-iżviluppaturi tal-apps wiċċ imb wiċċ biex tanalizza d-data li għandhom.

Din qed titqies bħala miżura drastika u rigoruża min-naħa ta’ Facebook, iżda l-kumpanija temmen li hi bżonjuża biex terġa’ tikseb il-fiduċja tal-poplu.