Newsbook

Free - On Google Play

View
Impjiegi minn jobsinmalta.com  

It-Taljani jridu li l-Bank Ċentrali Ewropew jaħfer €250 biljun f’dejn

Nicole  Borg  -  16/05/18 06:53 AM

Il-Partit Ewro xettiku tal-Ħames Stilel flimkien mal-Lega qed jippjana li jistaqsi lill-Bank Ċentrali Ewropew sabiex jaħfer €250 biljun dejn Taljan.

Dan skont il-pjan preliminari tal-koalizzjoni li qed jiktbu flimkien.

Id-dokument li fih 39 paġna ġie żvelat minn Huffington Post Italia, fejn jidher li hemm ukoll talba biex il-kontribuzzjoni tal-Italja fil-baġit tal-Unjoni Ewropea terġa’ tiġi nnegozzjata.

Il-koalizzjoni qed jingħad li se tkun qed taħdem ukoll biex telimina s-sanzjonijiet kontra r-Russja, kif ukoll twaqqa’ r-riforma tal-penzjonijiet li saret fl-2011, li wasslet biex żdiedet l-età tal-irtirar.

Minkejja li d-dokument kien miktub fl-14 ta’ Mejju, il-koalizzjoni sostniet li din kienet verżjoni antika u li minn dakinhar inbidlu ħafna proposti minnha.

Iż-żewġ partiti għandhom sitt ijiem ta’ diskussjoni mmirati sabiex jiffinalizzaw il-koalizzjoni fil-Gvern u b’hekk iwaqqfu l-istaġnar politiku li ħakem il-pajjiż għal dawn l-aħħar 10 ġimgħat.

Ritratt: Reuters