Newsbook

Free - On Google Play

View
Impjiegi minn jobsinmalta.com  

Zuckerberg għal Brussell, aktarx il-ġimgħa d-dieħla

Beppe Galea  -  16/05/18 05:45 PM

Mark Zuckerberg, il-fundatur ta’ Facebook mistenni jmur Brussell biex jiċċara l-affarijiet relatati mal-użu tal-informazzjoni personali f’laqgħa mar-rappreżentanti fil-Parlament Ewropew.

Il-President tal-Parlament Ewropew Antonio Tajani laqa’ din l-aħbar u qal li ċ-ċittadini Ewropej jistħoqqilhom li jingħataw spjegazzjoni sħiħa u dettaljata.

Sostna li dan hu pass importanti biex terġa’ tissaħħaħ il-fiduċja.

Zuckerberg mistenni jiltaqa’ mal-mexxejja tal-gruppi politiċi kollha u maċ-Chair u Rapporteur tal-Kumitat għall-Libertajiet Ċivili, Ġustizzja u Intern (LIBE).

L-istqarrija tal-President Tajani ttemm tgħid li l-libertà għandha dejjem tkun akkumpanjata b’responsabbiltà.