AĦBARIJIET

Issikkar fuq l-Iran iwassal għal prezzijiet ogħla taż-żejt

Matul il-ġurnata tat-Tlieta il-prezzijiet internazzjonali taż-żejt laħħqu l-għola livel f’dawn l-aħħar sitt xhur hekk kif l-Istati Uniti komplew jissikkaw is-sanzjonijiet fuq l-Iran. Dan wassall għal tisħieħ fil-prezzijiet tal-ishma tal-kumpaniji tal-enerġija u tal-produtturi taż-żejt. It-Tlieta filgħodu l-prezz taż-żejt laħaq il-$ 75-il barmil. Nhar it-Tnejn li għadda l-Istati Uniti ordnat lix-xerrejja taż-żejt mill-Iran biex jieqfu jixtru żejt minn dan il-pajjiż mill-1 ta’ Mejju li ġej, inkella jkollhom jaffaċċjaw sanzjonijiet minn Washington. Mossa li qed titqies minn analisti politiċi li se tħalli impatt importanti fuq id-dħul mill-esportazzjoni taż-żejt għall-Iran. Il-White House qalet li qed taħdem mil-qrib mas-Saudi Arabia u mal-Emirati Arab Maqgħuda biex tiżgura li jkun hemm provvista adegwata fis-suq. Minkejja din ir-rassikurazzjoni, is-suq xorta waħda imħassebb dwar il-provvista u dan qed iħalli impatt fuq il-prezzijiet inġenerali. Jiżdiedu il-pensjonanti li jkollhom jibqgħu jaħdmu fl-Istati Uniti Fl-Istati Uniti numru konsiderevoli ta’ dawk li laħħqu l-età tal-irtirar jkollhom jibqgħu jaħdmu minħabba li m’għandhomx biżżejjed flus biex ilaħħqu mal-ispejjeż tal-ħajja. Skont studju li sar minn United Income, li hija kumpanija Amerikana fil-qasam tal-finanzi, huwa indikat li għall-ewwel darba fl-aħħar 57 sena, il-parteċipazzjoni tal-persuni li laħħqu l-età tal-pensjoni li jkollhom jibqgħu jaħdmu, laħħaq l-20 fil-mija. Iċ-ċifri jindikaw li fi Frar, l-ammont ta’ persuni li għandhom 65 sena jew iktar u li għażlu li jibqgħu jaħdmu irdoppja minn 10 fil-mija kif kien lura fl-1985. Fuq rapport b’analiżi dettaljata fuq is-sit bloomberg.com, Teresa Ghilarducci, Professur tal-Ekonomija fi New School for Social Research, qalet li meta jinħadmu l-kalkoli ta’ kemm huwa stmat li l-pensjonanti jieħdu mis-Sigurtà Soċjali, dan jammonta għal 40 - 50 fil-mija tad-dħul tal-persuna qabel waqfet taħdem. Mill-esperjenza tan-nies, meta jiġi ikkalkulat l-ispejjeż ta’ kuljum, il-pensjonanti jeħtieġu madwar 80 fil-mija tad-dħul li kien ikollhom qabel jirtiraw biex iżommu mal-istil tal-ħajja li jkunu qed jgħixu. Skont Ghilarducci dawk il-ħaddiema li jaqalaw l-inqas pagi mhux qed jirnexxilhom ifaddlu biżżejjed flus biex ilaħħqu mal-ħajja meta joħorġu bil-pensjoni. Dawn il-ħaddiema jammontaw għa madwar 50 fil-mija tas-suq tax-xogħol. Dan ifisser li iktar mhu se jgħaddu snin, iktar ħaddiema se jkollhom jibqgħu jaħdmu anki wara l-età tal-irtirar biex jgħixu ħajja diċenti. Dan l-artiklu huwa miġjub lilkom minn MPM Capital Investments Ltd – www.mpmci.net , Tel. 21493250. Tista' tirċievi l-artiklu b'xejn billi tibgħat email fuq info@mpmci.net  L-informazzjoni u l-ħsibijiet inklużi fl-artiklu huma provduti għal skop ta’ edukazzjoni u informazzjoni biss u m’għandhomx jiġu kkunsidrati bħala parir ta’ investiment.

Issikkar fuq l-Iran iwassal għal prezzijiet ogħla taż-żejt

24/04/2019, 10:51 am
Matul il-ġurnata tat-Tlieta il-prezzijiet internazzjonali taż-żejt laħħqu l-għola livel f’dawn l-aħħar sitt xhur hekk kif l-Istati Uniti komplew jissikkaw is-sanzjonijiet fuq l-Iran. Dan wassall...

L-Akkademja tal-Malti sodisfatta bid-Deċiżjonijiet 2

24/04/2019, 9:45 am
Fi stqarrija, l-Akkademja tal-Malti esprimiet is-sodisfazzjon tagħha bid-Deċiżjonijiet 2 tal-Kunsill Nazzjonali tal-Ilsien Malti fuq il-kitba tal-kliem mill-Ingliż fil-Malti. Dan id-dokument ġie kkumpilat u ppublikat wara...

Fl-Amerka; Tmut il-mara magħrufa għall-kampanja kontra sewqan meta xurban

24/04/2019, 8:55 am
Jacqui Saburid, il-mara li wiċċha sar simbolu tal-perikli li jistgħu jinħolqu meta wieħed isuq xurban, mietet. Hija kellha inċident sfortunat lura fl-1999 hekk kif...
video

Filmat: l-Iscouts fil-ġonna tal-Verdala

24/04/2019, 6:40 am

Fi Sri Lanka; 359 persuna mejta

24/04/2019, 6:25 am

Jogħla l-prezz tal-majjal fiċ-Ċina

19/04/2019, 1:42 pm
Il-prezzijiet tal-laħam tal-majjal fiċ-Ċina mistennija jiżdiedu b’aktar minn 70% fit-tieni nofs tas-sena wara li feġġet marda qawwija ta’ African swine fever, li qatlet madwar 10% tal-majjali...

Netflix bi prezzijiet ogħla u anqas...

19/04/2019, 1:39 pm

KIKO Milano se jiftaħ f’Malta

18/04/2019, 5:13 pm

Jogħla l-prezz tal-majjal fiċ-Ċina

19/04/2019, 1:42 pm
Il-prezzijiet tal-laħam tal-majjal fiċ-Ċina mistennija jiżdiedu b’aktar minn 70% fit-tieni nofs tas-sena wara li feġġet marda qawwija ta’ African swine fever, li qatlet madwar 10% tal-majjali...

Netflix bi prezzijiet ogħla u anqas...

19/04/2019, 1:39 pm

KIKO Milano se jiftaħ f’Malta

18/04/2019, 5:13 pm

FILMATI