Theresa May dejected, entering car
Britain's Prime Minister Theresa May is seen outside Downing Street, as uncertainty over Brexit continues, in London, Britain May 15, 2019. REUTERS/Hannah Mckay

Il-Prim Ministru tar-Renju Unit Theresa May ħabbret li se tkun qed tirriżenja fis-7 ta’ Ġunju li ġej.

F’konferenza dalgħodu, May ċediet għall-pressjoni intensiva li saret mill-partit tagħha stess u b’hekk se tkun qed twarrab minn mexxejja tal-Konservattivi, u tagħlaq il-kapitlu ta’ tliet snin fit-tmun tal-pajjiż.

May ħabbret dan wara laqgħa li kellha ma’ Graham Brady, iċ-Chairman tal-Kumitat tal-1922, li kien ippreparat li jissuġerixxi it-tieni vot ta’ kunfidenza fit-tmexxija tagħha, jekk kienet tirrifjuta li tirriżenja.

Id-destin ta’ Theresa May ġie deċiż wara li nhar it-Tlieta tħabbar ftehim ġdid ta’ 10 punti dwar Brexit u li qanqal reazzjoni fost il-backbenchers tat-Tory u anke fost bosta mill-kabinett tagħha.

Il-Prim Ministru Ingliża se tibqa’ f’Downing Street, biex terfa’ r-responsabblità u l-ħtija ta’ dawk li mistennija jkunu riżultati orribbli tal-elezzjonijiet Ewropej, u biex tilqa’ lill-President Amerikan Donald Trump fiż-żjara tiegħu.

Il-Kumitat tal-1922 se joħroġ id-dettalji dwar il-pjan elezzjoni għat-tmexxija tar-Renju Unit, li mistenni jieħu madwar sitt ġimgħat.